【Plastic free bathroom!】6個浴室走塑方法

每日已經無可避免製造好多口罩等即棄垃圾，所以日常生活中，我哋應該要盡可能減少使用塑膠，避免令塑膠危機進一步惡化。今次同大家分享減少製造家居垃圾，就由小小嘅浴室開始，源頭減廢，齊齊走塑！

1. ✘膠剃刀 ✔︎不銹鋼剃刀

跟膠牙刷一樣，膠剃刀同樣係消耗品，金屬刀片難以與塑膠手柄分拆，所以唔能夠回收。

不銹鋼剃刀整體金屬製造，零塑膠，刀片用鈍後，只要擰開更換一片新嘅就可以繼續使用，使用壽命長得多！

Albatross 脫毛剃刀

2. ✘膠牙刷 ✔︎竹柄牙刷

牙醫建議牙刷要每3個月更換一次，膠柄牙刷使用合成物料，而且不能分拆回收，只能作一般廢物處理送到堆填區。

較環保選擇係竹牙刷，竹製刷柄可自然降解，減少對堆填區負擔。刷毛方面，尼龍刷毛雖然喺自然界中較難分解，但OW嘅竹牙刷所採用嘅尼龍材質，降解速度比較低級別尼龍要快，而且製作過程亦對環境傷害較小，算係權宜之計。只要將用舊嘅竹牙刷拔除尼龍刷毛，將刷毛作一般垃圾處理，而竹刷柄插入土壤自然分解，一般堆肥約90日就可以自然分解，取之於自然，還之於自然。

各款竹牙刷

3. ✘沐浴球 ✔︎絲瓜囊

用舊嘅塑膠沐浴球帶有大量細菌物質，無可回收利用價值，而且喺每次使用過程中都有機會釋放微膠粒，污染水源！

改為使用絲瓜囊啦，絲瓜老後將裡面嘅網狀纖維晾乾，就係天然「海綿」，極少加工過程，環境成本低，係更好更環保選擇；沖涼時擦身、按摩可以除去皮膚表層塵埃及死皮，溫和去角質。

OW揀選台灣小恬田出品嘅絲瓜囊，係因為日曬時曬得更乾，減少發霉機會，所以更為耐用～

小恬田絲瓜囊

4. ✘膠棉花棒 ✔︎竹棉花棒

棉花棒比起牙刷及剃刀，使用時間短得多，真正即棄用品，膠柄細細支，但每日使用就累積相當多嘅塑膠垃圾。

轉用竹柄棉花棒，竹柄及棉花頭都能生物分解，對身體及環境都夠晒溫柔呵護。

The Humble Co. 瑞典環保竹柄棉花棒

5. ✘膠筒牙膏 ✔︎自攜容器祼買牙膏 / 可回收包裝牙膏

國家地理頻道統計，人一生中會消耗將近300條牙膏。即使膠牙膏包裝清洗管身及蓋子後，可以塑膠回收，不過仍然有更環保嘅裸買牙膏選擇。

自攜容器Wefill祼買牙膏，用幾多買幾多，直接源頭減廢，OW有得 Wefill 牙膏㗎！

Bathe to Basics 天然無泡無氟牙膏（Wefill只限門市購買）

6. ✘用後即棄洗沐及清潔用品膠瓶 ✔︎Wefill 洗頭沐浴生活用品

浴室入面一樽樽嘅洗頭水、護髮素、沐浴露、洗手液、潔面液，每用完一支就掉，非常浪費，即使部分品牌推出補充包減少塑膠瓶罐，但包裝仍然係塑膠製品。

都係自備容器較環保，自己帶容器到裸買店Wefill，就可以源頭減塑，減少製造垃圾其實係輕而易舉。

各款可供Wefill 產品（Wefill 只限門市購買）