BB產品真係咁安全?學識睇成份最穩陣!

最後更新: 2022-06-17

無論係為BB,或者因為濕疹皮膚而轉用BB護理產品,都唔好以為樽野寫住「嬰兒專用」就可以完全放心,可能佢地只係少左幾樣化學野,或者咁講,佢地比較上無咁差,但唔係最好囉。今日就同大家簡單睇下成份。

《睇成份好easy!毒性風險評級網站:EWG》

我明白,除非你係一個偉大嘅科學家,否則大部分人都唔會睇得明個一大串雞腸,咁呢次你要多謝高錕先啦!因為依家上網咩都查到晒!EWG (Environmental Working Group)係美國一個環保組織,由科學家幫你分析所有護膚品上嘅成份,並用簡單易明嘅評分級別話你知,產品嘅毒性風險程度。1-10分,分數愈高,風險愈高,分數愈低就愈安全! 好,搵啲產品黎試下先。

http://www.ewg.org/skindeep/

《認住香精:Parfum》


E..呢隻S字頭嘅大牌子成日聽到皮膚敏感嘅人會選用咖喎,一系列嘅BB產品仲成日霸佔在舖頭成幅牆。但係上EWG睇睇,全部產品評分都只係4-6左右,例如呢支BB沐浴露,係EWG網站嘅整體毒性風險評分為5,最致命嘅係入面嘅“Parfum” 香精啊。大家以後可以認住Parfum/Fragance,都係香精咁解。10分之中有5分咁高,如果你係樂觀人,咁佢算僅僅合格嘅,但係相信好多媽媽唔想搵BB黎博….

《認住防腐劑:-parben》


見到-paraben尾嘅成分要特別注意,佢係一種常見於護膚品嘅防腐劑,例如呢支BB專用嘅防曬就搵到Propylparaben同Methylparaben。其實Parben一直被使用了數十年,但近年愈來愈產品標榜“不含parben”,原因是有硏究指出這些防腐劑會滲入皮膚底層,引起皮膚過敏和發炎,甚至與賀爾蒙和癌症有關連!當然亦有反方指出,含量不超0.4%都是安全云云……我非科硏專家,唔敢妄下定論,但係睇返EWG個網,Propylparaben嘅毒性風險有成7分咁高!而且爭議性咁大,點解我唔去搵啲無parben嘅產品令自己用得更安心呢,明明就有好多其他選擇。

天然可靠選擇


好似California Baby呢個BB品牌咁,上EWG睇睇,全版都係1-2分嘅綠色評分,可靠好多。當然唔止佢啦,其實仲有好多有心人整左成份天然,可靠好用嘅天然產品,媽媽們只要用多少少時間去了解佢地嘅資料,自自然然就會識得揀咖啦!

下次有機會再同大家詳細地睇其他成份啦!